You are here: HomeShendetiKeshilla praktikeCfare duhet te konsumoni gjate stines se veres?

Cfare duhet te konsumoni gjate stines se veres? Zgjedhur

Publikuar ne Keshilla praktike Wednesday, 30 April 2014 09:16

Nëse dëshironi që gjatë verës të dukeni bukur në rroba banjoje apo pantallona të shkurtra, nuk do të thotë që duhet të keni uri.

Mjafton që të vendosni për ushqim të lehtë dhe të shëndetshëm, i cili ju freskon, përgatitet lehtë dhe është shumë i shijshëm. Në vazhdim do të paraqesim ushqimet që duhet t'i konsumoni gjatë stinës së verës.

- Supa dhe gjella: Pjatën kryesore më së miri është që ta filloni me supë apo gjellë të ftohtë nga trangulli, lulelakra apo kungulleshka, e cila jo vetëm që ju freskon, por është edhe shumë e shijshme, e shëndetshme dhe më e rëndësishmja është më pak kalorike. Përveç kësaj, ajo do të ju mbajë të ngopur, prandaj edhe më pas do të hani më pak.

- Shalqinj dhe pjepër: Shalqinjtë dhe pjeprit janë pemët ideale për humbjen në peshë. Zvogëlojnë dëshirën për ëmbëlsira, shuajnë etjen, nuk kanë shumë kalori dhe mund të keni qasje në to, gjatë tërë verës.

- Perime: Perimet duhet të jenë domosdoshmërish të pranishme në tryezën tuaj gjatë verës. Pjata ideale ditore duhet të përmbajë perime nga grilli, speca, kungulleshka, domate, karota. Perimeve mund t'i shtoni pak vaj, mëlmesa të freskëta dhe sipas dëshirës pak kripë.

- Sallata: Për sallata nuk nevojitet të keni ndonjë recetë të posaçme të cilës duhet t'i përmbaheni. Lëreni imagjinatën të lirë dhe përdorni perimet e freskëta të preferuara (sipas dëshirës mund të përdorni edhe pemë), domate, tranguj, speca, lakra etj.
Hidhini pak uthull, vaj ulliri, por mund t'i shtoni edhe djathë të payndyrshëm apo jogurt. Si salcë të lehtë për sallatën tuaj mund të përdorni limon, vaj ulliri dhe mëlmesa të ndryshme të freskëta.

- Lëngje me pak kalori: Gjatë stinës së verës, kafet, çajrat dhe pijet e gazuara na kënaqin sepse është shumë nxehtë. Megjithatë, duhet ta kemi parasysh që lëngjet trashin, por edhe nuk kënaqin nevojat tona për lëngje, sepse nga lëngjet e ëmbla vetëm do të ju shtohet etja më shumë. Natyrisht, gjatë verës keni nevojë për sasi më të madhe lëngjesh që të freskoheni, dhe nuk keni dëshirë që të konsumoni vetëm ujë. Zgjedhje e mirë mund të jetë limoni i shtrydhur (por pa shtesa sheqeri) apo nëse dëshironi shije më të ëmbla, mund të bluani në mikserë, pemë sipas dëshirës tuaj (mjedra, pjeshka, dardha...) dhe t'i shtoni akull.

- Ëmbëlsirat: Nëse jeni adhuruese ëmbëlsirash dhe nuk rrini dot sikur edhe një dite pa ngrëne diçka të ëmbël, atëherë vendosni për ëmbëlsira më të shëndetshme. Propozimet për desertë pemësh me pak kalori janë: dredhëzat, vishnje me akullore (natyrisht me pak kalori), manaferra me pak mjaltë, pjeshka me ajkë etj. Po ashtu, mund të përgatitni vet në shtëpi, jogurt të këndshëm pemësh nga jogurti i payndyrshëm dhe pemët e preferuara.

Lini nje koment